Նախագծի մեկնարկը տրված է: Այսուհետ պարբերաբար համատեղ պարապմունքներով մեդիալրագրողները իրար հետ կկիսվեն իրենց փորձով ու ձեռք բերած հմտություններով, ինչպես օրերս տեղի ունեցավ Հյուսիսի դպրոցում, ուր պարապմունքի ժամանել էին նաև Արևմտյան դպրոցի մեդիալրագրողները:
Պարապմունքի առաջին րոպեներին երկու դօրոցների սովորողները կիսվեցին իրենց սովորած կարևոր հմտություններով, խորհուրդներ տվեցին միմյանց, օրինակ, թե ինչպես պետք է մոտենալ անծանոթ կամ ծանոթ որևէ մեկին և հարց տալ այնպես, որ մերժում չստանան, ինչպես չի կարելի առանց զգուշացնելու տեսանկարահանել անծանոթ մարդկանց, ինչ կարող է լինել նման պարագայում և այլ շատ կարևոր ու արդիական հարցեր:
Պարապմոնքի երկրորդ հիմնակնա մասն արդեն խաղ էր՝ մեդիամարտավարություն:
Սովորողները բաժանվեցին պայմանական երկու խմբի: Ես հանդես էի գալիս տեղեկատվության աղբյուրի դերում, որից յուրաքանչյուր թիմ իրավունք ուներ ստանալուերկուական տեղեկատվությաուն՝ հակառակորդ թիմի, կամ սեփական թիմի վերաբերյալ:
Թիմերից պատվիրակությունները, թիմի կազմի որոշմամբ, ստացան իրենց հարցերի պատասխաններն ու առանձնացան՝ քննարկելու ստացված տեղեկատվության հետ վարվելու մարտավարությունը՝ հրապարակել, թե ոչ, ինչպե սմատուցել, որ չտուժի սեփական թիմն ու չօգնեն հակառակորդ թիմին:
Ընդունված որոշումների մասին թիմերը հայտնեցին արդեն հրապարակային, քննարկվեցին որոշման արդյունավետության ու վտանգավորության աստիճանը:
Հետաքրքիր է, որ երկրորդ թիմը պարզապես նախընտրեց լռել, քանի որ վստահ չէր իրականացվելիք քայլերի արդյունավետության համար:
Թիմերից երկուսն էլ հաղթեցին հավասար հաշվով՝ առաջին թիմը լավ մշակված մարտավարության, երկրորդ թիմը սխալներից ու ապատեղեկատվությունից խուսափելու ու հասարակությանը սխալ ու թյուր տեղեկատվությամբ չսնելու որոշման համար:
Պետք էր տեսնել արևմուտքցիների խանդավառությունը այցի առիթով. ոգևորությունը ուներ մի քանի պատճառ. հանդիպում տարեկից-ընկերների հետ, հետաքրքիր խաղ-քննարկում, հիացմունքը Հյուսիսի գեղարվեստ-աշխարհով ու միջավայրով:
Հյուրընկալ հյուսիսցիներն էլ տան տիրոջ իրավունքով հյուրընկալեցին ու սիրով անցկացրին պարապմունքը՝ վստահ լինելով, որ սա դեռ սկիզբն է:
Հանդիպումների շարքը շարունակական է…
Առաջիկայում նման ձևաչափով կհանդիպեն նաև կրթահամալիրի այլ դպրոցների մեդիալրագրողների խմբեր:
arusyakhokhikyan 