Հետտոնական բացիկ նախագիծն իրականացնելու ենք մեդիալրագրության բոլոր խմբերում՝ հունվար ամսվա ընթացքում:
Նախագիծը յուրահատուկ է նրանով, որ հետազոտում է տրամադրություններ՝ արդեն տոներից հետո: Լրագրող սովորողները զրուցելու են տարբեր բնագավառի մարդկանց հետ, նկարահանելու ենք պատահական անցորդներին, ինչպես նաև նկարահանումներ կկատարենք դպրոցներում և ուղղակի փողոցներում, խանութներում և անգամ տաքսու վարորդների հետ:
Արդյունքում կստանանք աշխույժ, դինամիկ տեսանյութեր, որոնք ավելի շատ կարճամետրաժ ֆիլմի նման կլինեն՝ իրենց ձևաչափով:
Նպատակը
- սկսել աշխատել ստատիկ կադրերով
- սովորել աշխատել կարճ ու ոչ ամբողջական խոսք պարունակող նյութի հետ
- մտածել վերջնական արտադրանքի համար անհրաժեշտ դետալ-կադրերի ուղղությամբ
- մաս առ մաս հավաքել բոլոր դետալ-կադրերն ու տտեղծել մեկ ամբողջական սյուժե
- սովորել կառավարել նախապես նշված ժամանակը
- ռացիոնալ օգտագործել ունեցած նյութն ու զատել կարևորն անկարևորից, երբ ժամանակը կարգավորելու հարց է առաջանում (աշխատելու եմ ստեղծել նման իրավիճակներ ու փնտրել ստեղծագործական լուծումը՝ սովորողների հետ միասին)
- խճանկարի սկզբունքով ստանալ մեկ ամբողջական տեսանյութ. բարդ աշխատանք է, որ զարգացնում է ռեժիսորական մտածողությունը, առանց որի չի կարող նկարահանվել անգամ ամենապարզ մասնագիտական կամ ուղղակի ամփոփ կառուցված նյութը
Նպատակները
- Ունենալ տոնական տրամադրությունների վերաբերյալ մեկ ամբողջական նյութ
- ապահովել նախագծի առջև դրված բոլոր խնդիրների իրագործումը
Արդյունքում
Սովորողները ունենում են իրենց խմբի տեսանյութը՝ որպես միասնական աշխատանքի արդյունք:
Աշխատանքի ընթացքի վերաբերալ սովորողների գրառումները կհրապարակվեն ուսումնական բլոգներում և դպրոցների ենթակայքերում:
arusyakhokhikyan 